NNH-AZ : Angwa’ne gie metsitsa chwongé ngiemboon tsaa ganga naa mbwo fouo Ngiemboon

Ngiemboon | nnh - [951]

• Langue ALCAM : Ngiemboon
• Code ALCAM : [951]
• Usage: Parlée au Cameroun

Groupe locuteurs : ngyámbóóñ = ngiemboon (ngyemboon, bamileke- ngyemboon) = nguemba - Bangang - Batcham - Balatchi - Bamoungong - Balessing Lire plus

*******

Tiosongo Tsoon na lièʼ lepfwo’o na sang mbung a na ngouʼ ntsaʼ pua lé ntsob tûa lé mom mbua.

Metsitsa chwongé po tsué laʼa ngiemboon tsaa ganga

A

mbwo noontema’ fouo Ngiemboon.

Zoon metua, peg naa yoon ngwa’ne lélog ésie gou mboo mekém la’ ntsém.

Pouʼ ntu te sie, peg te ging nda’a ndié wo.

Kwa’ mmo gie a gege wég a gwo pa’ gie achwongé po tsué la’a yégé tchu’u mbou mbié pié.

Pou’ ntu te sie!

Gia pa’ gie p̧ua ngiemboon tchu’ ndogo po chwongé ndouolouo échwonge tsaa metsinge nda mob.

Gning guie a kag tu tè’ a gwaa ne échwonge ngiemboon nne mvongte lé metso mechwongé ndia’a

A laa tso fu’, mé gwaa toum penku naa mbua la’ tsaa tam a gwo légua nzi’i chwongé po tsué la’  kwa’ mbongo.

Ta’ aa lia’oon mba a keen ésa chio.

penku tchu’u ngee mbua la’ ntsieen po mema pob pelio na chwongé ndouolouo.

mbing te gwaa éfo wo  nzi’i yob tso two mmo na chwongé Ngiemboon wo.

A gwo pou’ou, etso ntsem gie ngwo mé ginge ntiog ndog nkwaa e la’ te wo wo

Ala’a yégé logo pou’ou ntchu’u ngwo po pa’ tio te mengang la.

Ewégé chio logo pou’ou mbou mbié .

Zoon metua, pege loon ndie lie mba la’ ma ge pou tchungte.

Ankwobo, peg ne nzsé ngie lelio pua té ginge nguiin tam légua nzogo nda sekou nnénge nzi’i chwongé la’ wo

Ta’ peg ge chwongo gou lemang sie é keen nto.

Mé tong le sekou chwongé Ngiemboon tsaa ganga.

Ngwo gie gning loon ntsué po nzo ju’ ndoum njio wo, a nénge po mbua yé ndogo kuikuile we nzi’i  ta éfele.

Lelio pua gné te zsé ya nti sekou.

Leping ngio ta mé pou nzsé, aa léna nku mbwo mekém la’ mboo mefouo ngiemboon pie ée tsaa metiosong ntsém.

Nzsé ngie wowoo kouou na yé ju’ nging ntsege wa nku mbwo pua pé mé pou nzua’.

Chouchou mba zoon metua, pege kag tu lékou’te chwongé po tsué la’a yégé

nzsé ngie pege log nkwa yege nzém.

Mekouʼ mba loo !

Ée metsitsa chwongé po tsué la’a ngiemboon tsaa ganga

----------------------------------

Notre langue et nos traditions se meurent !

Aŋwà’ne gie metsítsà shwóŋè ngiemboon tsàa gaŋá náa mbwó fùɔ Ngiemboon

Le Collectif des moniteurs en ligne de la langue Ngiemboon

Pour le Collectif

Contact :

M. PIATA LÉONARD, Promoteur et superviseur général de l’enseignement en ligne du ngiemboon, Membre d’honneur du CLCN

https://mesaako.com/2025/08/07/aglc-fr-a-nwane-gie-metsitsa-shwone-ngiemboon-tsaa-gana-naa-mbwo-fu%c9%94-ngiemboon/

© Mesa’ako Patsoon N° 009 juillet 2025, édition consacrée au Laakem et la sortie officielle de Fouo Djiotsoon